स्पेनिस ला लिगामा रियल म्याड्रिड बराबरीमा रोकिएको छ। घरेलु मैदानमा शनिबार राति भएको खेलमा रियललाई भिल्लारियले गोलरहित बराबरीमा रोकेको हो।
प्रतिस्पर्धात्मक खेलमा घरेलु टोली रियलले ४९ प्रतिशत बल पोसेसन राखेको थियो। रियललाई कडा टक्कर दिएको पाहुना टोली भिल्लारियलले ५१ प्रतिशत बल पोसेसन राख्न सफल भयो। रियलले १५ वटा पोस्ट प्रहार गर्दा भिल्लारियलले ६ वटा पोस्ट प्रहारको अवसर बनायो ।
रियलको लगातार प्रयासमा भिल्लारियलका गोलरक्षक जेरोनिमो रुल्ली बाधक बने। जारी लिगमा उच्च लयमा देखिएका रियलका कप्तान करिम बेन्जेमा र भिनिसियस जुनियर खेलभर भिल्लारियलका डिफेन्सको नियन्त्रणमा परेका थिए।
बराबरीसँगै लिगमा अपराजित यात्रा कायम राखेको रियल शीर्ष स्थानमा यथावत छ। सात खेलबाट पाँच जित र दुई बराबरी नतिजा निकालेको रियलको १७ अंक छ। रियलसँग अंक बाँडेको भिल्लारियल आठ अंक सहित १०औं स्थानमा ।
शनिबार रातिनै भएको खेलमा साविक विजेता एट्लेटिको पराजित भयो। उसलाई डिर्पोटिभो अलाभेसले पराजित गर्यो।
अलाभेसको जितमा भिक्टोर लागुरडिया नायक बने। भिक्टोरले चौथो मिनेटमै रुबेन डुअर्टेकोे पासमा गोल गरेका थिए। हारपछि तेस्रो स्थानमा झरेको एट्लेटिको म्याड्रिडको १४ अंक छ।
अर्को खेलमा स्पान्योललाई २–० गोलले हराउँदै सेभिया दोस्रो स्थानमा उक्लियो। सेभियाको जितमा युसुफ इन नासेरीले १३औं र राफा मिरले ८७औं मिनेटमा गोल गरे। जितसँगै सेभियाको ६ खेलबाट १४ अंक पुगेको छ।
-1746009348.jpg)
