आन्द्रे पिर्लोलाई इटालियन महारथी क्लब युभेन्ट्सले प्रशिक्षक पदबाट बर्खास्त गरेको छ।
गत सिजन प्रशिक्षक नियुक्त भएका ४२ वर्षीय पिर्लो एक सिजनमै बर्खास्तगीमा परेका हुन्।
युभेन्ट्सले यो सिजन सन् २०१२ पछि पहिलो पटक 'इटालियन सिरि ए' को उपाधि जित्न असफल भएको थियो।
टुरिन क्लब युभेन्ट्स यो सिजन चौथो स्थानमा सीमित बनेको थियो।
अन्तिम खेलमा जित हात पारेपछि युभेन्ट्सले युरोपियन च्याम्पियन्स लिगमा स्थान बनाएको थियो।
अब पिर्लोको स्थानमा पूर्व प्रशिक्षक मासिमिलियानो अल्लेग्रीलाई फेरि क्लबमा भित्र्याउने भएको छ।
सन् २०१४ मा पहिलो पटक प्रशिक्षक बनेका उनले युभेन्ट्सलाई पाँच सिजन लिगको उपाधि जिताएका थिए भने दोस्रो पटक युरोपियन च्याम्पियन्सको फाइनलमा पुर्याएका जिए।
यो सिजन भने युभेन्ट्स च्याम्पियन्स लिगमा अन्तिम १६ बाटै आउट भएको थियो।
पिर्लो यभुन्ट्सका पूर्व खेलाडी हुन्। उनले युभेन्ट्सबाट २०११ देखि २०१५ सम्ममा १६४ खेल खेलेका थिए।
-1746009348.jpg)
