इन्टर मिलानलाई ११ वर्षपछि 'इटालियन सिरि ए' को उपाधि जिताएको तीन सातापछि प्रशिक्षक एन्टोनियो कोन्टेले पद त्याग गरेका छन्।
दुई वर्षअघि इन्टरको प्रशिक्षक नियुक्त भएका ५१ वर्षीय कोन्टेले एक वर्षको सम्झौता बाँकी छँदै क्लब छाड्ने घोषणा गरेका हुन्।
क्लब छाडेपछि इन्टरले कोन्टेलाई धन्यवाद दिएको छ।
कोन्टे अब स्पेनिस क्लब रियल म्याड्रिडमा आबद्ध हुने चर्चा चलेको छ। रियलका प्रशिक्षण जिनेदिन जिदानले क्लब छाड्ने भएपछि कोन्टेको नाम चर्चामा छ।
यस्तै उनी इंग्लिस क्लब टोटेनहम जाने सक्ने पनि बताइएको छ।
यसअघि कोन्टेले दुई सिजन इ्ंग्लिस क्लब चेल्सीको प्रशिक्षक भएर काम गरेका थिए। त्यसअघि उनी इटाली राष्ट्रिय टिम र युभेन्ट्सका प्रशिक्षक थिए।
-1746009348.jpg)
