लिभरपुलको इंग्लिस प्रिमियर लिगको शीर्ष चारभित्र पर्दै युरोपियन च्याम्पियन्स लिगमा छनोट हुने सम्भावना बढेको भएको छ।
बुधबार राति भएको खेलमा वर्नलीमाथि ३-० को जित हात पार्दै लिभरपुल अंक तालिकाको चौथो स्थानमा उक्लियो।
बुधबार लिभरपुललाई जित दिलाउने क्रममा फिर्मिनोले ४३ मिनेटमा पहिलो गोल गरेका थिए।
५२ मिनेटमा नाथानिल फिलिप्सले लिभरपुलको अग्रता दोब्बर पारे।
खेल सकिन दुई मिनेट बाँकी छदा चेम्बरलियनले लिभरपुलका लागि तेस्रो गोल गरेका थिए।
जितसँगै लिभरपुलले लेस्टरलाई गोलअन्तरमा पछि पार्यो। चौथो स्थानमा उक्लिएको लिभरपुल र पाँचौ स्थानको लेस्टरको ६६-६६ अंक छ। तेस्रो स्थानको चेल्सीको ६७ अंक रहेको।
अब अन्तिम खेलपछि तीन मध्ये दुई टिम शीर्ष चारमा रहेर च्याम्पियन्स लिगमा छनोट हुने टुंगो लाग्नेछ।
अन्तिम खेलमा लिभरपुलले क्रिस्टल प्यालेस, लेस्टरले टोटेनहम र चेल्सीले एस्टन भिल्लासँग खेल्नेछन्।
-1746009348.jpg)
