नेपाल सुपर लिग (एनएसएल) टिम ललितपुर सिटी एफसीले नाइजेरियन खेलाडी पिटर सेगुनलाई टिममा आबद्ध गरेको छ।
नेपालको घरेल लिगमा लामो समयदेखि आबद्ध पिटरलाई नेपाल सुपर लिगको पहिलो सिजनका लागि अनुबन्धन गरिएको हो।
पिटरले पछिल्लो पटक मछिन्द्र क्लबबाट सहिद स्मारक ए डिभिजन लिग खेलेका थिए।
उनी नेपालको दुई फरक क्लबबाट लिग च्याम्पियन बनेका खेलाडी हुन्।
ललितपुरले विदेशी खेलाडीको रुपमा यसअघि क्रोएसियाका भिलिम पोनिस्कोभिक र अजरवैजानका नुर्लान जाहिद नोभ्रुजोभलाई टिममा आबद्ध गरेको थियो।
भाटभटेनी सुपरमार्केटको स्वामित्वमा रहेको ललितपुरको मार्की खेलाडीमा अञ्जन विष्ट छन्।
टिमका अन्य खेलाडीमा एरिक विष्ट, विनोद गुरुङ, नवीन लामा, मिक्छेन तामाङ, कमल श्रेष्ठ, पल्साङ लामा, गौरव बुढाथोकी, अर्पन कार्की, प्रवेश दनुवार, विमल राना, रोहित कार्की, सरोज योन्जन, रन्जन विष्ट र निरज बस्नेत छन्।
एनएसएलमा विराटनगर सिटी एफसी, काठमाडौं रेजर्स एफसी, ललितपुर सिटी एफसी, एफसी चितवन, पोखरा थन्डर्स, बुटवल लुम्बिनी एफसी र धनगढी एफसीले प्रतिस्पर्धा गर्नेछन्।
वैशाख ११ देखि २५ गतेसम्म हुने प्रतियोगिताका खेल दशरथ रंगशालामा हुनेछन्। प्रतियोगिता सिंगल राउन्ड रोबिनको आधारमा संचालन हुनेछ।
-1746009348.jpg)
