स्पेनिस ला लिगामा रियल म्याड्रिडले जित हात पारेको छ। बुधबार राति भएको खेलमा रियलले काडिजलाई ३-० गोलले पराजित गर्यो।
रियलको जितमा करिम बेन्जिमाले दुई गोल गरे। उनले खेलको ३० मिनेटमा पेनाल्टीबाट पहिलो गोल गरे।
३३ मिनेटमा ओर्डिओजोलाले रियलको अग्रता दोब्बर पारे।
४० मिनेटमा बेन्जिमाले टिमका लागि तेस्रो र व्यक्तिगत दोस्रो गोल गरे।
यता सेभियाले लेभान्तेलाई १-० गोलले हरायो।
अंक तालिकामा रियल म्याड्रिड ३२ खेलबाट ७० अंक जोडेर शीर्ष स्थानमा छ। दोस्रो स्थानमा झरेको एट्लेटिको म्याड्रिडको ३१ खेलबाट ७० अंक नै छ।
सेभिया ३२ खेलबाट ६७ अंक जोड्दै तेस्रो स्थानमा उक्लिएको छ। चौथो स्थानमा झरेको बार्सिलोनाको ३० खेलबाट ६५ अंक छ।
-1746009348.jpg)
