चेल्सी एफए कपको फाइनलमा प्रवेश गरेको छ। शनिबार राति भएको खेलमा म्यानचेस्टर सिटीलाई पराजित गर्दै चेल्सी उपाधि नजिक पुगेको हो।
चेल्सीको जितमा जियेचले गरेको गोल निर्णायक बन्यो। उनले खेलको ५५ मिनेटमा गोल गरेका थिए। उनलाई गोल गर्न वेर्नेरले पास उपलब्ध गराए।
चेल्सी एफए कपको फाइनलमा पछिल्लो पाँच सिजनमा चौथो पटक पुगेको हो।
दोस्रो सेमिफाइनलमा आज राति लेस्टर सिटी र साउथह्याम्टनबीच खेल हुँदैछ।
विजेता टिमले १५ मेमा उपाधिका लागि चेल्सीसँग प्रतिस्पर्धा गर्नेछ।
-1746009348.jpg)
