नेपालको सहिद स्मारक ए डिभिजन लिग खेलेको अनुभव बटुलिसकेका ओलावाले ओलाडिपो अफिजले धनगढी एफसीबाट नेपाल प्रिमियर लिग (एनएसएल) खेल्ने भएका छन्।
धनगढीले ओलावालेलाई भित्र्याएको पुष्टि गरेको छ। नाइजेरियाका स्ट्राइकर ओलावालेले दुई सिजन अघिको ए डिभिजन लिग मनाङ मर्स्याङ्दी क्लबबाट खेलेका थिए।
उनले २०१९ को एएफसी कप मनाङबाट खेलेका थिए।
उनले गत सिजन साउदी अरेबियाको दोस्रो डिभिजनको क्लब अल हेजाजबाट खेलेका थिए।
सन् २०१२ मा उनले रानीपोखरी कर्नर टिमबाट ए डिभिजन लिग खेलेका थिए। त्यसपछि थ्रीस्टार क्लबमा आबद्ध भएका उनी सन् २०१६ मा बंगलादेशको चितागाँउ पुगेका थिए।
२०१८ मा नेपाल फर्किएका उनी मनाङमा आबद्ध भए।
यसअघि धनगढीले राष्ट्रिय टिमका कप्तान किरणकुमार लिम्बुलाई आइकोनिक प्लेयरको रुपमा भित्र्याएको थियो।
वैशाख ११ देखि जेठ १ सम्म दशरथ रंगशालामा हुने एनएसएलमा धनगढीसहित सात टिमबीच प्रतिस्पर्धा हुनेछ।
धनगढीले आफ्नो पहिलो खेल वैशाख १२ मा विराटनगर सिटी एफसीविरुद्ध खेल्नेछ।
-1746009348.jpg)
