इंग्लिस प्रिमियर लिगमा चेल्सीमाथि रेलिगेसन क्षेत्रको वेस्ट ब्रुमले ५-२ गोलको जित निकालेको छ।
शनिबार चेल्सीले घरेलु मैदानमा खेलको २७ मिनेटमा पुलिसिकको गोलबाट अग्रता लियो।
अग्रता लिएको दुई मिनेटपछि चेल्सी १० खेलाडीमा सीमित बन्यो।
थियागो सिल्भा दोस्रो पहिलो कार्ड पाउँदै २९ मिनेटमा मैदान छाड्न बाध्य भएका थिए। त्यसअघि उनले खेलको पाँचौ मिनेटमा पहिलो पहेँलो कार्ड पाएका थिए।
पहिलो हाफको इन्जुरी टाइममा वेस्ट ब्रुमका कोस्टा पेरेइराले दुई गोल गरे। उनले इन्जुरी टाइमको दोस्रो र चौथो मिनेटमा गोल गरेका थिए।
वेस्ट ब्रुमका लागि रोबिनसनले ६३ मिनेटमा तेस्रो गरे।
६८ मिनेटमा डिआग्नेले अर्को गोल गरेपछि वेस्ट ब्रुमको अग्रता ४-१ मा पुग्यो।
७१ मिनेटमा चेल्सीका माउन्टले गोल गर्दा खेल ४-२ को अवस्थामा आयो।
दोस्रो हाफको इन्जुरी टाइमको पहिलो मिनेटमा रोबिनसनले टिमका लागि पाँचौ र व्यक्तिगत दोस्रो गोल गरेका थिए।
अंक तालिकामा चेल्सी ३० खेलबाट ५१ अंक जोडेर चौथो स्थानमा छ। वेस्ट ब्रुम २१ अंक जोडेर १९औं स्थानमा छ।
-1746009348.jpg)
