अन्तर्राष्ट्रिय मैत्रीपूर्ण फुटबल खेलमा भारतले आधा दर्जन गोल खाएको छ। सोमबार भएको मैत्रीपूर्ण खेलमा भारतलाई युएईले ६-० गोलले पराजित गरेको हो।
भारतविरुद्ध युएईका अली माबखोटले ह्याट्रिक गरे। उनले खेलको १२ मिनेटमा पहिलो गोल गर्दा ३२ मिनेटमा पेनाल्टीबाट दोस्रो गोल गरे। अलीले ६० मिनेटमा ह्याट्रिक पूरा गरे।
युएईका लागि खलिल इब्राहिमले ६४ मिनेट, डे लिमाले ७१ मिनेट र सेबास्टियन टाग्लिबुले ८४ मिनेटमा एक-एक गोल थपे।
यसअघि भारतले पाँच दिनअघि भएको मैत्रीपूर्ण खेलमा ओमानसँग १-१ गोलको बराबरी खेलेको थियो।
भारतीय टिमले विश्वकप छनोटका तयारीका लागि युएई र ओमानसँग मैत्रीपूर्ण खेल खेलेको हो।
भारतले विश्वकप छनोटमा कतार, बंगलादेश र अफगानिस्तानसँग आगामी जुनमा खेल्नेछ।
-1746009348.jpg)
