थ्री नेसन्स कपमा नेपालले पहिलो खेलमा आज अपरान्ह किर्गिस्तानको यु-२३ टिमसँग प्रतिस्पर्धा गर्दैछ। खेल अपरान्ह ५:३० मा दशरथ रंगशालामा हुनेछ।
नेपालले कपका लागि बुधबार २३ सदस्यीय टिम घोषणा गरेको थियो। नेपाली टिमको कप्तानी गोलकिपर किरणकुमार लिम्बुले गर्नेछन्।
यसअघि मंगलबार भएको पहिलो खेलमा बंगलादेशले किर्गिस्तानलाई १-० ले पराजित गरेको थियो।
शनिबार नेपाल र बंगलादेशबीच खेल हुनेछ।
तीन टिम एक-आपसमा भिडेपछि अंक तालिकाका शीर्ष दुई टिमबीच सोमबार फाइनल खेल हुनेछ।
कोरोना भाइरसका कारण दशरथ रंगशालामा तय भएका विश्वकप छनोटका खेल पटक पटक स्थगित भएपछि अखिल नेपाल फुटबल संघ (एन्फा) ले थ्री नेसन्स कप आयोजना गरेको हो।
थ्री नेसन्स कपका लागि नेपाली टिम
गोलकिपर : किरणकुमार लिम्बु (कप्तान), विकेश कुथु, दीप कार्की
डिफेन्डर : रन्जित धिमाल, निशान खड्का, रोहित चन्द, अनन्त तामाङ, दिनेश राजवंशी, अजित भण्डारी, विराज महर्जन, छिरिङ गुरुङ
मिडफिल्डर : त्रिदेव गुरुङ, सुजल श्रेष्ठ, तेज तामाङ, एरिक विष्ट, संजोग राई, विशाल राई, सुनील बल, रविशंकर पासवान
फरवार्ड : अन्जन विष्ट, दर्शन गुरुङ, अभिषेक रिजाल, भरत खवास
-1746009348.jpg)
