थ्री नेसन्स कपका लागि नेपाली राष्ट्रिय फुटबल टिम घोषणा गरिएको छ। राष्ट्रिय टिमका प्रमुख प्रशिक्षक बालगोपाल महर्जनले किरणकुमार लिम्बुको कप्तानीमा २३ सदस्यीय टिम बुधबार घोषणा गरेका हुन्।
प्रशिक्षण क्याम्पमा रहेका १० खेलाडी राष्ट्रिय टिममा पर्न असफल भएका छन्।
गोलकिपरद्वय विशाल श्रेष्ठ र विशाल सुनार, डिफेन्डरहरू पाल्साङ लामा, सुरज विक र विकास खवास, मिडफिल्डरहरू हेमन्त थापा मगर र सन्तोष तामाङ, फरवार्डहरू आसिस लामा, जर्जप्रिन्स कार्की र नवयुग श्रेष्ठ टिममा पर्न असफल भएका छन्।
थ्री नेसन्स कपमा नेपालले बिहीबार अपरान्ह ५:३० मा दशरथ रंगशालामा किर्गिस्तानको यु-२३ टिमसँग खेल्दैछ। नेपालले दोस्रो खेलमा शनिबार बंगलादेशसँग खेल्नेछ।
प्रतियोगिताको पहिलो खेलमा बंगलादेशले किर्गिस्तानलाई १-० गोलले पराजित गरेको थियो।
थ्री नेसन्स कपका लागि नेपाली टिम
गोलकिपर : किरणकुमार लिम्बु (कप्तान), विकेश कुथु, दीप कार्की
डिफेन्डर : रन्जित धिमाल, निशान खड्का, रोहित चन्द, अनन्त तामाङ, दिनेश राजवंशी, अजित भण्डारी, विराज महर्जन, छिरिङ गुरुङ
मिडफिल्डर : त्रिदेव गुरुङ, सुजल श्रेष्ठ, तेज तामाङ, एरिक विष्ट, संजोग राई, विशाल राई, सुनील बल, रविशंकर पासवान
फरवार्ड : अन्जन विष्ट, दर्शन गुरुङ, अभिषेक रिजाल, भरत खवास
-1746009348.jpg)
