लेस्टर सिटी ३९ वर्षपछि एफए कपको सेमिफाइनलमा प्रवेश गरेको छ।
आइतबार राति भएको खेलमा म्यानचेस्टर युनाइटेडलाई ३-१ गोलले पराजित गर्दै लेस्टरले अन्तिम चारमा स्थान पक्का गरेको हो।
लेस्टर सन् १९८२ पछि पहिलो पटक सेमिफाइनल पुगेको थियो। त्यतिबेला लेस्टर सेमिफाइनलमा टोटेनहमसँग पराजित भएको थियो।
लेस्टरको जितमा केलेची इहेलनाचोले दुई गोल गरे। उनले खेलको २४ र ७८ मिनेटमा गोल गरेका थिए।
यस्तै योउरी टेइलेमान्सले ५२ मिनेटमा गोल गरे।
युनाइटेडका ग्रिनउडले ३८ मिनेटमा बराबरी गोल फर्काए पनि त्यो सान्त्वनामै सीमित बन्न पुग्यो।
अब सेमिफाइनलमा लेस्टरले साउथह्याम्टनसँग खेल्नेछ। अर्को सेमिफाइनलमा चेल्सी र म्यानचेस्टर सिटीबीच प्रतिस्पर्धा हुनेछ।
-1746009348.jpg)
