स्पेनिस क्लब एट्लेटिको म्याड्रिडलाई पराजित गर्दै इंग्लिस क्लब चेल्सी युरोपियन च्याम्पियन्स लिगको क्वार्टरफाइनलमा प्रवेश गरेको छ।
चेल्सीले अन्तिम १६ को खेलमा समग्रमा ३-० को जित निकाल्दै अन्तिम आठमा स्थान पक्का गरेको हो।
पहिलो लेगमा १-० ले विजयी भएको चेल्सीले बुधबार राति घरेलु मैदानमा भएको दोस्रो लेगमा २-० गोलको जित निकाल्यो।
चेल्सीका लागि खेलको ३४ मिनेटमा जियेचले पहिलो गोल गरे। उनलाई टिमो वर्नरले पास उपलब्ध गराएका थिए।
८१ मिनेटमा एट्लेटिको १० खेलाडीमा सीमित बन्यो। एट्लेटिकोका साभिकलाई रेफ्रीले सिधा रातो कार्ड देखाएर मैदान बाहिर पठाए। चेल्सीका एन्टोनियो रुडिगरलाई फल गरेपछि उनले रातो कार्ड पाएका थिए।
दोस्रो हाफको इन्जुरी टाइमको चौथो मिनेटमा चेल्सीले अग्रता दोब्बर पार्यो। चेल्सीका लागि इमरसनले गोल गरे।
-1746009348.jpg)
