इंग्लिस प्रिमियर लिगमा आर्सनलले टोटेनहमलाई हराएको छ। आइतबार राति भएको खेलमा आर्सनलले १० खेलाडीमा सीमित टोटेनहमलाई २-१ गोलले पराजित गरेको हो।
लामेलाले ३३ मिनेटमा गोल गर्दै टोटेनहमलाई अग्रता दिलाए। खेलको ४४ मिनेटमा आर्सनलका ओडेगार्डले बराबरी गोल फर्काए।
६४ मिनेटमा लाकाजेटीले आर्सनलका लागि दोस्रो गोल गरेका थिए। ७६ मिनेटमा लामेलाले दोस्रो पहेँलो कार्ड पाउँदै मैदान छाड्न बाध्य भए।
यता लिगको दोस्रो स्थानको म्यानचेस्टर युनाइटेडले वेस्ट ह्यामलाई १-० गोलले पराजित गर्यो। ५३ मिनेटमा डाउसनले गरेको आत्मघाती गोलमा युनाइटेडले अग्रता लिएको थियो।
लिगमा म्यानचेस्टर सिटी ३० खेलबाट ७१ अंक जोडेर शीर्ष स्थानमा छ। युनाइटेड २९ खेलबाट ५७ अंक जोड्दै दोस्रो स्थानमा छ।
५६ अंक जोडेर तेस्रो स्थानमा रहेको लेस्टरले आइतबार राति सेफिल्डलाई ५-० गोलले पराजित गर्यो।
* अन्यथा पर्न गएकोमा सच्याइएको
-1746009348.jpg)
