इंग्लिस प्रिमियर लिगमा चेल्सी विजयी भएको छ। सोमबार भएको खेलमा चेल्सीले एभर्टनलाई २-० गोलले पराजित गरेको हो।
खेलको ३१ मिनेटमा चेल्सीले आत्मघाती गोलको साहरामा खेलमा अग्रता लियो। एभर्टनका गडफ्रेले आफ्नै पोस्टमा गोल गरेपछि चेल्सीलाई फाइदा पुगेको थियो।
६५ मिनेटमा चेल्सीले अग्रता दोब्बर पार्यो। उसका लागि जोर्गिन्होले पेनाल्टीमा गोल गरे।
लिगको अर्को खेलमा वेस्ट ह्यामले लिड्स युनाइटेडलाई २-० गोलले पराजित गर्यो।
लिगमा चेल्सी २८ खेलबाट ५० अंक जोडेर चौथो स्थानमा छ।
शीर्ष स्थानको म्यानचेस्टर सिटीको ६५ अंक छ भने दोस्रो स्थानको म्यानचेस्टर युनाइटेडको ५४ अंक छ।
तेस्रो स्थानको लेस्टरको ५३ अंक छ।
-1746009348.jpg)
