'इटालियन सिरि ए' को साविक विजेता युभेन्ट्स बराबरीमा रोकिएको छ।
शनिबार राति भएको खेलमा युभेन्ट्सलाई हेलास भेरोनाले १-१ गोलको बराबरीमा रोकेको हो।
भेरोनाको मैदानमा भएको खेलको पहिलो हाफ गोलरहित बराबरीमा सकिएको थियो।
४९ मिनेटमा युभेन्ट्सले क्रिस्टियानो रोनाल्डोको गोलबाट अग्रता लियो। रोनाल्डोले चिएसाले उपलब्ध गराएको पासमा गोल गरेका थिए।
जारी सिजनमा रोनाल्डोले १९ औं गोल गरेका हुन्।
भेरोनाको आफ्नो घरेलु मैदानमा भएको खेलमा ७७ मिनेटमा बराबरी गोल फर्काउन सफल भयो।
उसका लागि बाराकले गोल गरे। उनलाई गोल गर्न लाजोभिकले पास दिएका थिए।
बराबरीमा रोकिएसँगै युभेन्ट्स शीर्ष स्थानको इन्टर मिलानसँग ७ अंकले पछि परेको छ।
अंक तालिकामा शीर्ष स्थानमा रहेको इन्टरको २३ खेलबाट ५३ अंक छ। दोस्रो स्थानको एसी मिलानको ४९ अंक रहदा युभेन्ट्स ४६ अंक जोडेर तेस्रो स्थानमा छ।
-1746009348.jpg)
