स्पेनिस ला लिगामा बार्सिलोनाले चौथो स्थानको सेभियालाई पराजित गरेको छ।
शनिबार राति भएको खेलमा बार्सिलोनाले २-० गोलको जित निकाल्यो।
खेलको २९ मिनेटमा डेम्बेलेको गोलबाट बार्सिलोनाले अग्रता लियो। उनलाई गोल गर्न लिओनल मेसीले पास दिए।
८५ मिनेटमा मेसीले बार्सिलोनाको अग्रता दोब्बर पारेका थिए। यो मेसीको सेभियाविरुद्ध ३८औं गोल हो।
जितसँगै बार्सिलोना ला लिगाको अंक तालिकामा दोस्रो स्थानमा उक्लियो। बार्सिलोनाको २५ खेलबाट ५३ अंक छ।
शीर्ष स्थानको एट्लेटिको म्याड्रिडको २३ खेलबाट ५५ अंक छ भने २४ खेलबाट ५२ अंक जोडेको रियल म्याड्रिड तेस्रो स्थानमा छ।
-1746009348.jpg)
