इंग्लिस लिग लिडर म्यानचेस्टर सिटीले लगातार २०औं खेलमा जित हात पारेको छ।
सिटीले प्रिमियर लिगअन्तर्गत शनिबार भएको खेलमा वेस्ट ह्यामलाई हराएसँगै जितलाई निरन्तरता दिएको हो।
लिगको चौथो स्थानमा रहेको वेस्ट ह्यामविरुद्ध सिटीले २-१ को जित निकाल्यो। खेलको ३० मिनेटमा सिटीले अग्रता लियो।
रुबेन डिआसले गोल गरेर सिटीलाई अग्रता दिलाए। उनले केभिन डि ब्रुइनले दिएको पासमा गोल गरेका थिए।
४३ मिनेटमा लिङ्गार्डको पासमा एन्टोनियोले वेस्ट ह्यामका लागि बराबरी गोल फर्काए।
६८ मिनेटमा सिटीले खेलमा दोस्रो पटक अग्रता लियो। सिटीका लागि जोन स्टोन्सले दोस्रो गोल गरे। उनलाई गोल गर्न महारेजले पास दिएका थिए।
जितसँगै अंक तालिकाको शीर्ष स्थानमा रहेको सिटीले २६ खेलबाट ६२ अंक जोडेको छ।
दोस्रो स्थानको म्यानचेस्टर युनाइटेडको २५ खेलबाट ४९ अंक छ। लेस्टर सिटी युनाइटेडसँग समान अंक जोडेर तेस्रो स्थानमा रहदा चौथो स्थानको वेस्ट ह्यामको ४५ अंक छ।
-1746009348.jpg)
