लिओनल मेसीले दुई गोल गरेको खेलमा बार्सिलोना विजयी भएको छ। बार्सिलोनाले स्पेनिस ला लिगाको खेलमा इल्चेलाई ३-० गोलले पराजित गरेको हो।
खेलको पहिलो हाफ गोलरहित बराबरीमा सकिएको थियो। ४८ मिनेटमा मेसीले गोल गरेर बार्सिलोनालाई अग्रता दिलाए। उनले ब्राथवेटको पासमा गोल गरे।
६९ मिनेटमा मेसीले टिम तथा व्यक्तिगत दोस्रो गोल गरे। यसपटक पनि उनले ब्राथवेटकै पासमा गोल गरे।
जारी सिजनमा मेसीले १८ लिग गोल गरिसकेका छन्।
जोर्डी अल्बाले ७३ मिनेटमा बार्सिलोनाका लागि तेस्रो गोल गर्न सफल भए। उनले डे जोङले उपलब्ध गराएको पासमा गोल गरे।
जितसँगै बार्सिलोना ला लिगाको अंक तालिकामा तेस्रो स्थानमा उक्लियो। बार्सिलोनाले २४ खेलबाट ५० अंक जोडेको छ।
शीर्ष स्थानको एट्लेटिको म्याड्रिडको २३ खेलबाट ५५ अंक छ भने दोस्रो स्थानको रियल म्याड्रिडको २४ खेलबाट ५२ अंक रहेको छ।
-1746009348.jpg)
