दिल्ली क्यापिटल्समाथि कोलकाता नाइट राइडर्सले सानदार जित निकालेको छ।
इन्डियन प्रिमियर लिग (आइपिएल) अन्तर्गत सोमबार राति भएको खेलमा कोलकाताले दिल्लीमाथि ७ विकेटको सानदार जित निकालेको हो।
दिल्लीले दिएको १५४ रनको लक्ष्य कोलकाताले ३ विकेट मात्रै गुमाएर १६.३ ओभरमा पूरा गर्यो।
त्यस क्रमम कोलकताका कप्तान श्रीयस ऐयर ३३ र वेंकटेश ऐयरले नट आउट २६ रन जोडे।
कप्तान ऐयरले २३ बलमा ३ चौका र १ छक्का प्रहार गरे भने वेंकटेशले २३ बलमा २ चौका र १ छक्का प्रहार गरे।
त्यसअघि ओपनर फिल सल्टले सर्वाधिक ६८ रन बनाए। ३३ बल खेलेका उनले बिस्फोटक ब्याटिङ गर्दै ७ चौका र ५ छक्का प्रहार गरे।
सुनिल नारायणले १५ रन र रिंकु सिंहले ११ रन बनाए।
बलिङतर्फ दिल्लीका अक्षर पटेलले २ र लिजाड विलियम्सले १ विकेट लिए।
पहिले ब्याटिङ गरेको दिल्लीले ९ विकेट गुमाएर १५३ रनको योगफल तयार पारेको थियो।
दिल्लीका लागि कुलदीप यादव सर्वाधिक ३५ रन बनाएर नट आउट रहे। उनले २६ बलमा ५ चौका र १ छक्का प्रहार गरे।
कप्तान रिशभ पन्तले २० बलमा २ चौक र १ छक्का प्रहार गरी २७ रन जोडे।
ओपनर पृथ्वी शले १३, जेक फ्रेजर मिकगर्कले १२, अभिषेक पोरेलले १८, शाइ होपले ६, अक्षर पटेलले १५, ट्रिस्टन स्टुब्सले ४, कुमार कुशग्राले १, राशिक सलामले ८ रन मात्रै बनाउन सके।
बलिङतर्फ कोलकाताका वरूण चक्रवर्थीले ३ विकेट लिँदा वैभव अरोरा र हर्षित राणाले २/२ विकेट लिए। त्यस्तै मिचेल स्टार्क र सुनिल नारायणले १/१ विकेट लिए।
कोलकाता नाइट राइडर्स अंक तालिकाको दोस्रो र दिल्ली क्यापिटल्स छैटौं स्थानमा छ।
