पकिस्तानका कप्तान बाबर आजमले मुल्तानमा बुधबार भएको एसिया कपको उद्घाटन खेलमा नेपालविरूद्ध उत्कृष्ट शतक प्रहार गर्दै सर्वकालीन महान् खेलाडीको सूचीमा आफ्नो स्थान बनाएका छन्।
- बाबरले १ सय ३१ बलमा उत्कृष्ट १५१ रन बनाए र यस क्रममा दक्षिण अफ्रिकाका हाशिम अमलालाई पछि पार्दै छिटो १९ ओडिआई शतक बनाउने खेलाडी बने। बाबरले केवल १०२ ओडीआई इनिङ्सबाट उपलब्धि हासिल गर्दा अमलाले १०४ इनिङ्समा १९ शतक प्रहार गरेका थिए। विश्वको नम्बर १ ओडिआई ब्याट्सम्यान बाबरले आफ्नो इनिङ्समा १४ चौका र ४ छक्का प्रहार गर्दा थप रेकर्डहरू बने।
- १५१ रन एसिया कपमा हासिल गरेको दोस्रो उच्च स्कोर हो, २०१२ मा पाकिस्तानविरूद्ध विराट कोहलीले १८३ रन बनाएका थिए।
- उनले २०१४ मा बंगलादेशविरूद्ध १३६ रन बनाएपछि एसिया कपमा १५० वा सोभन्दा बढी रन बनाएको यो पहिलो पटक हो।
- सन् २०२१ मा बर्मिङ्घममा इङ्ल्यान्डविरूद्धको १५८ रनको इनिङ्गस साथ बाबरले एकदिवसीयमा १५० भन्दा बढी रन बनाएको यो दोस्रो पटक हो।
- शतकका साथ बाबरले ओडीआई ब्याटिङ वरीयतामा नम्बर १ खेलाडीको अंक अझ बढाएका छन्।
- बाबरको एकदिवसीय औसत ५९.४७ मा पुगेको छ, जुन पुरुषको एकदिवसीय क्रिकेटमा सबै समयको चौथो उच्च र न्यूनतम २००० ओडीआई रन बनाएको कुनै पनि खेलाडीको उत्कृष्ट हो।
- यो बाबरको ३१ औँ अन्तर्राष्ट्रिय शतक हो, जसले उनलाई पाकिस्तानका जावेद मियाँदाद र सईद अनवरसँग बराबरीमा पुर्याएको छ। पाकिस्तानका लागि युनिस खान (४१), मोहम्मद युसुफ (३९) र इन्जमाम उल-हक (३५) शीर्ष तीनमा छन्। बाबर अब अनवरको २० ओडीआई शतकको कीर्तिमान बराबर गर्नबाट एक शतकबाट टाढा छन्।
-1755241369.jpg)
-1746009348.jpg)
