पाकिस्तानविरूद्धको खेलमा नेपालले उत्कृष्ट प्रदर्शन गरिरहेको छ।
एसिया कपको उद्घाटन खेलमा टस हारेर पहिले फिल्डिङ गरिरहेको नेपालले खेलको २० औं ओभर सकिँदा २ विकेट लिएको छ।
खेलको छैठौं ओभर सकिँदा नेपालले दुई विकेट लिइसकेको थियो।
नेपालका लागि करण केसी र रोहित पौडेलले एकएक विकेट लिएका छन्।
खेलको ५.३ ओभरमा करण केसीको बलिङमा पाकिस्तानका ओपनर फखर जमान आसिफ शेखले क्याच आउट गरेका थिए। उनले १४ रन मात्रै बनाउन पाएका उनले २० बलमा तीन चौका प्रहार गर्न भ्याएका थिए।
पाकिस्तानका अर्का ओपनर इमाम उलहकलाई कप्तान रोहित पौडेलले आउट गरे। ६.१ ओभरमा रोहितले डाइरेक्ट हिटमार्फत इमामलाई पेभेलियनको बाटो देखाए। उनले पाँच रनमात्रै बनाउन सके।
आइसिसी वरियतामा एक नम्बरमा रहेको पाकिस्तानका इमाम विश्व वरीयताको तेस्रो नम्बर र फखर पाँचौं नम्बरका ब्याटर हुन्।
आइसिसी विश्व वरीयताको तेस्रो नम्बरमा रहेका इमाम र पाँचौ नम्बरमा रहेका फखर जमानलाई आउट गरेपछि नेपालले राम्रो सुरुवात गरेको छ।
एसिया कप १६ औं संस्करणमा पुग्दा नेपालको सहभागिता पहिलो हो।
-1755241369.jpg)
-1746009348.jpg)
