एसिया कप २०२३ अन्तर्गत अहिले नेपालले पाकिस्तानसँग खेलिरहेको छ।
पाकिस्तानको मुल्तानमा जारी खेलमा नेपालले पहिले बलिङ गरिरहेको छ।
नेपालले पाकिस्तानका दुवै ओपनरलाई आउट गरेको छ।
नेपालका लागि करण केसीले पहिलो विकेट लिएका छन्। उनले ५.३ ओभरमा पाकिस्तानका फखर जमानलाई १४ रन विकेटकिपर आसिफ शेखको हातबाट क्याच गराएका छन्।
यस्तै अर्का ओपनर इमाम उलहकलाई रोहित पौडेलले ६.१ ओभरमा पाँच रनमा रनआउट गरेका छन्। रोहितले डाइरेक्स हिटमार्फत् इमामलाई पेभिलियनको बाटो देखाए।
आइसिसी विश्व वरीयताको तेस्रो नम्बरमा रहेका इमाम र पाँचौ नम्बरमा रहेका फखर जमानलाई आउट गरेपछि नेपालले राम्रो सुरुवात गरेको छ।
त्यतिबेला पाकिस्तानले २ विकेटको क्षतिमा २५ रन जोडेको थियो।
-1755241369.jpg)
-1746009348.jpg)
