एसिसी प्रिमियर कपको फाइनलमा अहिले नेपाल र युएईबीच कीर्तिपुरस्थित त्रिवि मैदानमा खेल भइरहेको छ।
टस जितेको नेपालले फिल्डिङ रोजेपछि पहिले ब्याटिङ गरिरहेको युएईले सातौं विकेट गुमाएको छ।
नेपालका लागि सन्दीप लामिछानले सातौं विकेट लिए। उनले युएईका आयन खानलाई ५ रनमा कुशल मल्लबाट क्याच गराए। युएईले २५.४ ओभरमा ७ विकेट गुमाउदा १०३ रन जोडेको छ।
त्यसअघि गुल्सन झाले युएईका बासिल हामिदलाई १० रनमा बोल्ड गरेका छन्।
युएईका ओपनरद्वय मोहमद वासीम ११ रन र आर्यन लक्रा १३ रनमा आउट भए। वासीमलाई सोमपाल कामी र आर्यनलाई करण केसीले आउट गरे।
यस्तै वृत्य अरिवन्द ८ रन र रमिज शाहजाद १ रनमा आउट भए। वृत्यलाई करण र रमिजलाई ललितनारायण राजवंशीले आउट गरे।
रोहान मुस्ताफालाई २ रनमा सन्दीप लामिछानले आउट गरे।
नेपालका लागि सन्दीप लामिछाने र करण केसीले २-२ विकेट लिँदा सोमपाल कामी, ललितनारायण राजवंशी र गुल्सन झाले एक एक विकेट लिइसकेका छन्।
यो खेलको विजेता एसिया कपमा छनोट हुनेछ भने एसिया कपमा भारत र पाकिस्तानसँग खेल्नेछ।
-1746009348.jpg)
