नेपालको ‘ए’ क्रिकेट टोलीले भारतको आसाम स्टेट टोलीविरूद्ध तेस्रो टी-२० खेलमा ६ विकेटको क्षतिमा १९६ रन जोडेको छ।
गुवाहाटीमा पहिले ब्याटिङ गरेको नेपालका लागि सन्दीप जोराले ७४ रन बनाए। उनले ४८ बलमा ६ चौका र ४ छक्का प्रहार गरे।
त्यसअघि ओपनर तथा कप्तान अनिल साहले ३१ रन बनाए भने शुक कंसाकार ८ रनमै आउट भए। त्रृतराज दासले ३३ रन जोड्दा बसिर अहमद १ रनमै पेभिलियन फर्के। अदिल अन्सारीले १६ बलमा १ चौका र ४ छक्काको मद्दतमा ३५ रन जोडे।
बलिङमा आसामका आकाश सेनगुप्ताले २ विकेट लिए।
यसअघि पहिलो खेलमा आसाम र दोस्रो खेलमा नेपाल विजयी भएका थिए।
-1746009348.jpg)
