एसिसी प्रिमियर कपमा ओमानले दोस्रो जित हात पारेको छ। आइतबार मुलपानी मैदान भएको समूह ‘ए’ को खेलमा ओमानले मलेसियालाई ८ विकेटले पराजित गर्यो।
पहिले ब्याटिङ गरेको मलेसियाले ९ विकेटको क्षतिमा २२७ रन जोड्यो। मलेसियाका लागि विरन्दिप सिंहले ९४ रन जोडे भने मोहमद साहाजादले ५५ रन बटुले।
बलिङमा ओमानका जीशन मक्सूदले ४ विकेट लिए।
२२८ रनको लक्ष्य ओमानले २ विकेटको क्षतिमा पार गर्यो।
उसका लागि जतिन्दर सिंहले शतक प्रहार गरे। उनले नटआउट १०१ रन जोडे। यस्तै कश्यप प्रजापतीले ६६ रन र मक्सूदले नटआउट ५२ रन बनाए।
समूहमा दोस्रो स्थानको ओमानले तीन खेलबाट ४ अंक जोडेको छ। शीर्ष स्थानको नेपालको दुई खेलबाट ४ अंक छ।
नेपालले आफ्नो तेस्रो खेलमा सोमबार मुलपानी मैदानमा साउदी अरेबियासँग प्रतिस्पर्धा गर्नेछ।
-1746009348.jpg)
