इन्डियन प्रिमियर लिग (आइपिएल)मा गएराती भएको खेलमा चेन्नाई सुपरकिंग्सले सनराइजर्स हैदरावादलाई ७ विकेटले हराएको छ।
चेन्नाईको चिदम्बरम स्टेडियममा हैदरावादले दिएको १३४ रनको सामान्य लक्ष्य चेन्नाईले १८.४ ओभरमा ३ विकेट गुमाएर पूरा गरेको थियो।
चेन्नाईका डेभन कनवेले १२ चौका र १ छक्काको विस्फोट ब्याटिङ गर्दै ५७ बलमा ७७ रन बनाए।
त्यस्तै ओपनर रूतुराज गाइक्वडले ३० बलमा ३५ रन बनाए।
बलिङतर्फ मयंक मारकन्डले दुई विकेट लिए।
टस हारेर पहिले ब्याटिङ गरेको हैदरावादले ७ विकेट गुमाएर १३४ रन बनाएको थियो।
ओपनर अभिशेक शर्माले ३४ रन बनाउन ३ चौका र एक छक्का हाने। राहुल त्रिपाठीले २१ बलमा एक चौका र एक छक्का हान्दै २१ रन बनाए।
अर्का ओपनर ह्यारी ब्रुकले १३ बलमा ३ चौका प्रहार गर्दै १८ रन बनाए। हेनरिच क्लासेन र मार्को जनसेनले समान १७/१७ रन बनाए।
बलिङमा चेन्नाईका रविन्द्र जडेजाले सर्वाधिक तीन विकेट लिए। आकाश सिंह, महेश थिक्साना र मथिसा पथिरानाले एकएक विकेट लिए।
जितसँगै चेन्नाई ८ अंकसहित तालिकाको तेस्रो स्थानमा उक्लिएको छ। हैदरावाद चार अंकसहित नवौं स्थानमा छ।
-1746009348.jpg)
