एसिसी मेन्स प्रिमियर क्रिकेट कपमा शुक्रबार नेपाल र ओमानबीच भएको खेलमा बायाँ हाते युवा अलराउन्डर कुशल मल्ल कीर्तिमानी शतक प्रहार गर्दै नेपालबाट ओडिआईमा सर्वाधिक छिटो शतक हान्ने खेलाडी बनेका छन्।
५९ बलमा कुशलले आफ्नो अन्तर्राष्ट्रिय करिअरको पहिलो शतक प्रहार गरेका हुन्। कुशलले कप्तान रोहित पौडेलको कीर्तिमान तोड्दै नेपालबाट ओडिआईमा सर्वाधिक छिटो शतक हान्ने खेलाडी बनेका हुन्।
खेलपछि पत्रकारहरूसँग कुरा गर्दै टिमका लागि आफूले खेल्न पाउँदा राम्रो अनुभव भएको बताए। कोचले बल हेरेर आफ्नो समय लिएर खेल्न भनेको र सोही अनुरूप आफूले खेलेको उनी बताउँछन्।
'मैले सामान्य तरिकाबाट नै खेलेको र सहज बलको प्रतिक्षा गर्दै ब्याटिङ गर्दै थिएँ', उनले भने, 'मोन्टी देसाई आइसकेपछि आफूलाई दिएको भूमिकालाई पनि सहज रूपमा निर्वाह गरिरहेको छु।'
यससँगै उनी एकै खेलमा सर्वाधिक छक्क हान्ने नेपाली खेलाडी पनि बनेका छन्।
कुशलले एसिसी प्रिमियर कपमा ओमानविरूद्ध ६४ बलमा ९ चौका र १० छक्कासहित १ सय ८ रनको विष्फोटक शतकीय इनिङ खेले।
-1746009348.jpg)
