भारतीय क्रिकेट टिमका कप्तान विराट कोहली अन्तरराष्ट्रिय क्रिकेट काउन्सिलको ओडीआई रेटिङमा फेरि पहिलो स्थानमा आउन सफल भएका छन्।
न्यूजिल्याण्डविरुद्धको तेस्रो तथा अन्तिम एकदिवसीय खेलमा शतक प्रहार गर्दै कोहलीले टिमलाई २–१ ले श्रृङ्खलामा जीत दिलाए। उनको करिअरको ३२औं शतकले भारतीय टिमले जीतमात्रै हासिल गरेन अर्को नयाँ कीर्तिमानसमेत बनायो। उनले करिअरकै सबैभन्दा धेरै तथा भारतका लागि नयाँ कीर्तिमानको रूपमा ८८९ रेटिङ प्वाइन्ट हासिल गरे, जुन भारतीय महान् खेलाडी सचिन तेन्दुलकरको भन्दा २ अंकले धेरै हो।
उनले १० दिन अघिसम्म ८७२ अंकसहित शीर्ष स्थानमा रहेका दक्षिण अफ्रिकी ब्याट्सम्यान एबीडी भिल्लियर्सलाई पछि पारेका छन्। त्यस्तै ८६५ अंकसहित अष्ट्रेलियाका डेभिड वार्नर रेटीङमा तेस्रो स्थानमा रहेका छन्।
यसैगरी बलिङतर्फ भने पाकिस्तानका बलर हसन अली शीर्ष स्थानमा रहेका छन्।
