नवौं राष्ट्रिय खेलकुदको शुक्रबार औपचारिक उद्घाटन गरियो। पोखरा रंगशालामा शुक्रबार साँझ उद्घाटन गरिएको प्रतियोगिताको अहिलेसम्म १३ स्वर्णको टुंगो लागिसकेको छ।
जसमा नेपाल आर्मी ५ स्वर्णसहित शीर्ष स्थानमा छ। आर्मीले पाँचै स्वर्ण फेन्सिङबाट जितेको हो। आर्मीले थप ६ रजत र ७ कास्य गरी कुल १८ पदक जितिसकेको छ।
दोस्रो स्थानको बागमतीले ४ स्वर्ण, ३ रजत र १ कास्य गरी कुल ८ पदक हात पारेको छ। तेस्रो स्थानमा रहेको सशस्त्र प्रहरी बलले १३ पदक जितेको छ। उसले २ स्वर्ण, ४ रजत र ७ कास्य जितेको छ।
सुदूरपश्चिम १ स्वर्ण र ३ कास्य गरी ४ पदक जितेर चौथो स्थानमा छ। पाँचौ स्थानको नेपाल पुलिसले १ स्वर्ण जितेको छ। अन्य टिमले स्वर्ण जित्न सकेका छैनन्।
पदक तालिका
