मकवानपुरमा एक युवक मृत भेटिएको घटनामा सात जना पक्राउ परेका छन्।
बुधबार बिहान साढे ६ बजे मकवानपुरको बागमती गाउँपालिका-८ भुवनचुली देउडीभञ्ज्याङस्थित धरान-चतरा सडकको नालीमा ३७ वर्षीय मिलन दंगाल मृत भेटिएका थिए।
हेटौंडा उपमहानगरपालिका-१६ का मिलन मृत भेटिएको स्थानमा रगत लतपतिएको थियो।
उनको शरीरमा पनि चोट देखिएपछि प्रहरीले घटना शंकास्पद भएको भन्दै अनुसन्धान सुरू गरेको थियो।
अनुसन्धानका क्रममा प्रहरीले मिलनको हत्यामा संलग्नहरूलाई पक्राउ गरी थप अनुसन्धानका लागि जिल्ला अदालत मकवानपुरबाट सात दिनको म्याद लिएको मकवानपुर प्रहरी कार्यालयका प्रवक्ता डिएसपी श्यामु अर्यालले जानकारी दिए।
पक्राउ पर्नेहरूमा मकवानपुरको बकैया गाउँपालिका-३ का ३६ वर्षीय प्रशान्त लामा, ललितपुरको गोदावरी नगरपालिका-१२ का २४ वर्षीय किसन दानी, बाराको निजगढ नगरपालिका-३ का १९ वर्षीय सुस्मिता तामाङ, सिन्धुलीको मरिण गाउँपालिका-७ का २० वर्षीय शर्मिला मोक्तान तथा १९ वर्षीया रोजिना मोक्तान र मकवानपुरको हेटौंडा उपमहानगरपालिका-१६ का २८ वर्षीय सुजन पौडेल छन्।
उनीहरूविरूद्ध अदालतबाट ज्यानसम्बन्धी मुद्दामा सात दिनको म्याद अनुमति लिई थप अनुसन्धान भइरहेको डिएसपी अर्यालले जानकारी दिए।
-1746009348.jpg)
