हुम्लाबाट छिमेकी मुलुक चीनको ताक्लाकोट जाने क्रममा हिउँमा फसेका ६ जनाको सकुशल उद्धार गरिएको छ।
नेपाल प्रहरीका सहप्रवक्ता डिएसपी शैलेन्द्र थापाका अनुसारर नाम्खा गाउँपालिका- ६ यारीबाट ताक्लाकोट जान हिँडेका ६ जना हुम्लाका नागरिक शनिबार साँझ हिल्सास्थित नारालेकको हिउँमा फसेका थिए।
उनीहरू हिउँमा फसेको खबर प्राप्त भएपछि सशस्त्र प्रहरी बल नेपाल बोर्डर आउट पोस्ट (बिओपी) हिल्सा र नेपाल प्रहरीको संयुक्त सुरक्षा फौजले उनीहरूको उद्धार गरेको हो।
बिओपीबाट करिब १० किलोमिटर पूर्व-दक्षिणतर्फ रहेको स्थानबाट राति ८ बजे उनीहरूको उद्धार गरिएको थापाले बताए। उनीहरूलाई हिल्सातर्फ नै ल्याइएको पनि उनले जानकारी दिए।
-1755241369.jpg)
-1746009348.jpg)
