मकवानपुरमा कन्टेनर दुर्घटनामा परी अवरूद्ध बनेको पूर्व-पश्चिम राजमार्ग सञ्चालनमा आएको छ।
बिहीबार बिहान सवा १० बजे हेटौंडा उपमहानगरपालिका-१५ चुरियामाईस्थित पूर्व-पश्चिम राजमार्गमा वीरगन्जबाट काठमाडौं आउँदै गरेको कन्टेनर पल्टिएको हो।
उक्त कन्टेनरलाई क्रेनले पन्छ्याएर सडक सञ्चालनमा ल्याएको हो।
प्र.२-०३-००१ख ६७३८ नं.को कन्टेनर पल्टिँदा राजमार्ग अवरूद्ध बनेको थियो। चालक मकवानपुर मनहरी गा.पा. ६ बस्ने बर्ष अं. ३० को महेश मोक्तान दाहिने हातमा चोट लागेको छ।
