प्रधानमन्त्री केपी शर्मा ओली आजै झापाबाट काठमाडौं फर्किने भएका छन्।
प्रधानमन्त्रीको सचिवालयका अनुसार प्रधानमन्त्री ओली आइतबार अपराह्न ५:४० बजे झापाको भद्रपुर विमानस्थलबाट काठमाडौं उड्ने कार्यक्रम थियो।
‘प्रधानमन्त्रीज्यू आजै काठमाडौं फर्कनुहुनेछ, त्यसपछि संघीय मामिला तथा सामान्य प्रशासन मन्त्री राजकुमार गुप्तालाई बोलाएर कुराकानी हुन्छ,’ सचिवालय स्रोतले भन्यो, ‘त्यसपछि प्रधानमन्त्रीले एक्सन लिनुहुन्छ।’
मन्त्री गुप्ताले ‘घुस डिल’ गरेकोसम्बन्धी अडिओ सार्वजनिक भए पनि प्रधानमन्त्री ओलीले यसबारे अहिलेसम्म बोलेका छैनन्।
भूमि आयोग कास्कीको अध्यक्ष बनाउन २५ लाख र मालपोत कार्यालय कास्कीको तत्कालीन प्रमुखको सरूवा रोक्न ५३ लाख घुस लेनदेनसम्बन्धी 'डिल गरेको' भन्दै मन्त्री गुप्ताको अडिओ सार्वजनिक भएको थियो।
मन्त्री गुप्ताले पनि प्रधानमन्त्रीसँग कुराकानी नभएको बताएका छन्। उनले आफ्नो खातामा र मन्त्रालयको खातामा पैसा नआएको दाबीसमेत गरेका छन् भने अडिओ परीक्षण गर्न आफू तयार रहेको बताएका छन्।
प्रधानमन्त्री ओलीले मन्त्री गुप्ताको जबाफ चित्तबुझ्दो नभए राजीनामा माग्ने, नदिए बर्खास्त गर्ने तयारी गरेको सचिवालय स्रोतको दाबी छ। गुप्ता नेकपा (एमाले) का केन्द्रीय सदस्य र प्रतिनिधि सभा सांसद पनि हुन्।
यो पनि:
प्रधानमन्त्रीजी, मन्त्री गुप्तालाई बर्खास्त गर्नुस् कि उनको बचाउ गर्नुहोस्!
मन्त्रीले घुस लेनदेन गरेको अडिओ सार्वजनिक, प्रधानमन्त्री चुप!
-copy-1745411477.jpg)
-1746009348.jpg)
