आजका तस्बिर- कात्तिक ३

एसियाकै ठूलो महाशिला । पर्वतको महाशिला गाउँपालिका–५ लुंखुदेउरालीमा अवस्थित एसियाकै ठूलो महाशिला। महाशिलाको प्रवर्द्धनका लागि रु सात करोडभन्दा बढीका आकर्षक संरचना बनेपछि अवलोकन र घुम्नका लागि आउने पर्यटकको सङ्ख्या बढ्दै गएको छ। तस्बिरः लक्ष्मीप्रसाद सापकोटा/रासस

घुमाउने घर । बागलुङको गलकोट नगरपालिका–५ हरिचौरमा निर्माण गरेको घुमाउने घर। यो घर पर्यटक विश्रामका लागि निर्माण गरिएको हो। तस्बिर: डम्मर बुढामगर/रासस

पानीमा विषादी छर्कंदै किसान । महोत्तरी जिल्लाको जलेश्वर नगरपालिका–१ स्थित पानीमा गरिने सिँघारा (एक प्रकारको फल) खेतीमा विषादी छर्कंदै किसान। तस्बिरः सञ्जीतकुमार मण्डल/रासस

मनास्लु हिमाल । भैरहवा–काठमाडौंको हवाई यात्राको क्रममा शुक्रबार देखिएको मनास्लु हिमाल। गोरखा जिल्लामा पर्ने मनास्लु हिमालको उचाइ आठ हजार एक सय त्रिसट्ठी मिटर रहेको छ। तस्बिरः कुलदीप न्यौपाने/रासस

माटाको दियो सुकाइँदै । सुनसरीको इनरुवा नगरपालिका–२ मा तिहारका लागि बनाइएको माटाको दियो घाममा सुकाउँदै कुमाले। माटाको दियो सयकडा एक सयदेखि १५० रुपैयाँसम्ममा बिक्री हुने कुमाले बताउँछन्। तस्बिरः नवीन गड्तौला/रासस

प्रतिक्रिया दिनुहोस्

थप

फोटो ग्यालरी

आजका तस्बिर- कात्तिक ३०