आजका तस्बिर- वैशाख ५

बानेश्वरमा द्वन्द्व पीडित र प्रहरीबीच धकेलाधकेल । बानेश्वरमा द्वन्द्व पीडित र प्रहरीबीच धकेलाधकेल भएको छ। मंगलबार निषेधित क्षेत्र तोड्न खोजेपछि द्वन्द्व पीडित र प्रहरीबीच धकेलाधकेल भएको हो। तस्बिर: नवीनबाबु गुरूङ/सेतोपाटी

वि नीड एनओसी! । शिक्षा मन्त्रालयले प्लस टु पास गरेपछि मात्र अध्ययनका लागि विदेश जान दिने भनी ल्याएको व्यवस्था खारेजीको माग गर्दै विद्यार्थीहरूले प्रदर्शन गरेका छन्। मंगलबार उनीहरूले बानेश्वरमा प्रदर्शन गरेका हुन्। तस्बिर: नवीनबाबु गुरूङ/सेतोपाटी

झिँ–टोड्के पदमार्ग । म्याग्दीको रघुगंगा गाउँपालिका–५ झिँ गाउँदेखि पर्यटकीयस्थल टोड्के जोड्ने हालै निर्माण भएको पदमार्ग। रघुगंगा गाउँपालिकाले पर्यटन मन्त्रालयसँगको साझेदारीमा झिँदेखि टोड्के जोड्ने पदमार्ग निर्माण गरेको हो। तस्बिरः सन्तोष गौतम/रासस

पौडी । सुनसरीको इनरूवास्थित सुनसरी–मोरङ सिँचाइ आयोजनाको नहरमा पौडी खेल्दै स्थानीय किशोर। केही दिनदेखि पूर्वी तराईमा गर्मी बढेर ३५ डिग्री सेल्सियसभन्दा माथि पुगेको छ। तस्बिर: नवीन गड्तौला, रासस