आजका तस्बिर- असोज २१

घर फर्केनेको ताँती । झरी मत्थर भएर दिनहरू घमाइलो बन्न थालेसँगै मानिसहरू आ–आफ्नो थातथलो फर्कन थालेका छन्। गाउँ फर्कनेहरू बढेसँगै बसपार्क विमानस्थलमा मानिसहरूको घुइँचो लाग्न थालेको छ। तस्बिर: नवीनबाबु गुरूङ/सेतोपाटी

फुटपाथ फराकिलो बनेपछिको न्यूरोड । न्यूरोडमा अहिले फराकिला फुटपाथ छन्। फुटपाथ फराकिला भएसँगै दसैँमा किनमेल गर्न जाने पैदलयात्रीहरूले सहजताका साथ आवतजावत गर्न पाएका छन्। तस्बिर: नवीनबाबु गुरूङ/सेतोपाटी

बकुल्लाको बथान । दाङको तुलसिपुर उपमहानगरपालिका-५ स्थित बसपार्क आसपास क्षेत्रमा उडिरहेका बकुल्लाको बथान। तस्बिर: कुलदीप न्यौपाने/ रासस

बाढीले क्षतिग्रस्त टीकाभैरव मन्दिर । गतहप्ता वर्षापछि नल्लु खोलामा आएको बाढीले क्षतिग्रस्त ललितपुरको गोदावरी नगरपालिका-५ स्थित टीकाभैरव मन्दिर र आसपासको क्षेत्र। तस्बिर: हरिराम भेटुवाल/रासस