आजका तस्बिर- असोज ७

मानुङकोट । तनहुँको व्यास नगरपालिका–५ मानुङकोटबाट सोमबार बिहान देखिएको कुहिरोको दृश्य। सूर्योदय र कुहिरो अवलोकनका लागि यहाँ आउने पर्यटक बढेका छन्। तस्बिरः कृष्ण न्यौपाने/रासस

जोमसोम बजार । मुस्ताङको घरपझोङ गाउँपालिका–५ ठिनीदेखि देखिएको मुस्ताङको सदरमुकाम जोमसोम बजार र स्याउ बारी। तस्बिरः सन्तोष गौतम/रासस

बबई नदी किनारामा सेताम्मे फुलेको काँस । दाङको घोराही उपमहानगरपालिका–६ गुरुवागाउँस्थित बबई नदी किनारामा सेताम्मे फुलेको काँस । ढकिया, गुन्द्री बुन्नकालागि प्रयोग हुने काँस फुलेको समयमा क्यामेरामा कैद गर्न तथा टिकटक बनाउने मानिसहरूको भिड लाग्ने गर्दछ। तस्बिरः कुलदीप न्यौपाने/रासस

काभा क्लब च्याम्पियनसिप जितेको पुलिस क्लबलाई भव्य स्वागत । सेन्ट्रल एसियन भलिबल एसोसिएसन (काभा) वुमन्स क्लब च्याम्पियनसिपको उपाधि जितेको नेपाल पुलिस क्लब सोमबार विहान स्वदेश फर्किएको छ। उपाधि विजेता नेपाली टोलीलाई त्रिभुवन विमानस्थलमा भव्य स्वागत गरिएको छ। तस्बिर: नेपाल फोटो लाइब्रेरी