ऋषि पञ्चमीमा स्नान । ऋषि पञ्चमीमा स्नान गर्दै महिलाहरू। आजका दिन नजिकको खोला, ताल, पोखरीमा गएर दतिउनले दाँत माझ्ने, गाईको गोबर र खरानीले स्नान गर्छन्।
दामोदरकुण्ड यात्रा । मुस्ताङको लो–घेकर दामोदरकुण्ड गाउँपालिका–४ मा अवस्थित हिन्दु तथा बौद्ध धर्मावलम्बीहरुको साझा तीर्थस्थल दामोदरकुण्डतर्फ जाँदै स्थानीयवासी र घोडा । करिब पाँच हजार मिटरभन्दा बढी उचाईको पहाड र उकालो बाटो भएकाले तीर्थालुहरुले घारा गाउँदेखि दामोदरकुण्ड जान घोडा प्रयोग गर्छन् । घारादेखि दामोदरकुण्ड पुग्न घोडामा नौ घण्टा यात्रा गर्नुपर्छ। तस्बिरः सन्तोष गौतम/रासस
मादी र आसपासका वस्ती । तनहुँको व्यास नगरपालिका–१० दुम्सीकोटबाट लिएको व्यास नगरपालिका–६ र ७ भएर बग्ने मादी नदी र आसपासका कलेस्ती, चिन्तुटारलगायत बस्ती। तस्बिरः कृष्ण न्यौपाने/रासस
तानसेन बजार । पाल्पाको सदरमुकाम तानसेन बजार र पृष्ठभूमिमा हरियाली श्रीनगरडाँडा। तस्बिरः सुशीला रेग्मी/रासस
हनुमान नाच । हनुमान नाच संरक्षण परिषद्ले बागलुङ बजारमा निकालेको हनुमान नाच । बागलुङमा नौ वर्षपछि देखाइएको उक्त नाच यही भदौं ११ गतेदेखि शुरु भएको हो । यो नाच आगमी चैत सम्म नचाइनेछ। तस्बिरः खेमराज गौतम/रासस
गलेखामकोटबाट देखिने दृश्य । समुद्री सतहबाट एक हजार ३०० मिटर उचाइमा अवस्थित तनहुँको व्यास नगरपालिका–६ गलेखामकोटबाट लिएको व्यास नगरपालिका, शुक्लागण्डकी नगरपालिका र लमजुङका विभिन्न क्षेत्रका दृश्य । तस्बिरः कृष्ण न्यौपाने/रासस
-ink-1725763051.jpeg)
-1725775476.jpg)
-copy-1732085934.jpg )
