आजका तस्बिर- भदौ १५

मानुङकोटबाट देखिएको कुहिरो । तनहुँको व्यास नगरपालिका-५ मानुङकोटबाट शनिबार बिहान देखिएको मनोरम दृश्य। कुहिरोले दमौली बजार ढपक्क ढाकेको र सूर्योदयको दृश्य हेर्न आन्तरिक पर्यटक मानुङकोट पुग्ने गरेका छन्। तस्बिर: कृष्ण न्यौपाने/रासस

महभिर झरना । भोजपुरको टेम्केमैयुङ गाउँपालिका –४ नागीमा रहेको महभिर झरना। करिब ६० मिटर उचाइ रहेको यो झरना पछिल्लो समय पर्यटकको आकर्षणको केन्द्रको रूपमा स्थापित भइरहेको छ। तस्बिर: युवराज विष्ट/रासस

आँधीमूल मन्दिर । तनहुँको आँबुखैरेनी गाउँपालिका–१ स्थित रहेकाे आँधीमूल मन्दिर। यहाँ तनहुँका छिमेकी जिल्लाबाट भक्तजन आउने गर्छन्। तस्बिर: कृष्ण न्यौपाने/रासस

डुङ्गामा दाउरा ल्याउँदै । सुनसरीको बराहक्षेत्र नगरपालिका–१०, प्रकाशपुरस्थित सप्तकोसी नदीमा पारिबाट डुङ्गामा दाउरा लिएर आउँदै स्थानीय। तस्बिर: नवीन गड्तौला/रासस