आजका तस्बिर- साउन २३

आजदेखि एसइईको पूरक परीक्षा । माध्यमिक शिक्षा परीक्षा (एसइई) को पूरक परीक्षा बुधबारदेखि सुरू भएको छ। काठमाडौं उपत्यकासहित देशभरिकै विभिन्न विद्यालयका परीक्षा केन्द्रमा एसइईको पूरक परीक्षा सुरू भएको हो। तस्बिर: नेपाल फोटो लाइ्ब्रेरी

दाउराको जोहो । दाङ देउखुरीको गढवा गाउँपालिका-६ स्थित गढवाका स्थानीय महिला जङ्गलबाटट साइकलमा राखेर घरमा दाउरा ल्याउँदै। तस्बिर: कुलदीप न्यौपाने/रासस

स्याउ बगैँचा । मुस्ताङको घरपझोङ गाउँपालिका–३ स्याङको स्याउ बगैँचा। अघिल्लो वर्षको तुलनामा यसवर्ष स्याउका बोटमा धेरै दाना फलेकाले मुस्ताङका कृषक उत्साहित भएका छन्। मुस्ताङमा वार्षिक करिब ५० करोड मूल्य बराबरको स्याउ बिक्री हुने कृषि ज्ञान केन्द्र मुस्ताङले जनाएको छ। तस्बिर: सन्तोष गौतम/ रासस

एयर डाइनेष्टीको हेलिकप्टर दुर्घटना । नुवाकोटको शिवपुरी गाउँपालिका- ७ सूर्यचौरमा हेलिकप्टर दुर्घटना हुँदा पाँच जनाको मृत्यु भएको छ। बुधबार काठमाडौंबाट रसुवाको स्याफ्रुबेसी जाँदै गरेको एयर डाइनेष्टीको नाइन एन-एजेडी कलसाइन भएको हेलिकप्टर दुर्घटना हुँदा चार जना चिनियाँ र एक नेपाली नागरिकको मृत्यु भएको हो। तस्बिर: नवीनबाबु गुरूङ/सेतोपाटी

प्रतिक्रिया दिनुहोस्

थप

फोटो ग्यालरी