आजका तस्बिर- साउन २

दरबारमार्गमा पनि फुटपाथ बढाउँदै काठमाडौं महानगर । काठमाडौं महानगरपालिकाले दरबारमार्ग क्षेत्रमा फुटपाथ विस्तारको काम गरिरहेको छ। केही समयअघिदेखि दरबारमार्ग क्षेत्रमा फुटपाथ बढाएर स्तरोन्नतिको काम गर्दै आएको महानगरले जनाएको छ। तस्बिर: नवीनबाबु गुरूङ/सेतोपाटी

नारायणीमा बाढीले बगाएर ल्याएको रूख संकलन गरिँदै । पश्चिम नवलपरासीको सुस्ता गाउँपालिका–५ स्थित नारायणी नदीले बगाएर ल्याएको रूख स्थानीयवासीले सङ्कलन गर्दै। बाढीले बगाएर ल्याएको रूख सङ्कलन गरी ठूलोलाई स–सानो गोलिया बनाएर बिक्री गर्ने उनीहरू बताउँछन्। तस्बिरःअनिल यादव/रासस

डोल्पाको त्रिपुरासुन्दरी मन्दिर । डोल्पाको त्रिपुरासुन्दरी नगरपालिका-१ स्थित प्रसिद्ध श्री बाला त्रिपुरासुन्दरी मन्दिर। यो मन्दिर धान कुट्ने ओखलबाट उत्पति भएको धार्मिक मान्यता रहेको छ। तस्बिरः रामचन्द्र न्यौपाने / रासस