आजका तस्बिर- असार २५

नारायणी पुल । पूर्वपश्चिम राजमार्ग अन्तर्गत नवलपरासी (बर्दघाट–सुस्तापूर्व)को गैँडाकोट र चितवनको नारायणगढ जोड्ने नारायणी नदीको पुल। विसंं. २०३८ सालमा बनेको पुल पुरानो भएसँगै पुलको उत्तरतर्फ सिग्नेचर पुल बन्नेगरी शिलान्यास भएर काम अगाडि बढेको छ। तस्बिर: टेकराज पोखरेल/रासस

पाटन अस्पताल अगाडिको औषधि पसलमा सिल । औषधि व्यवस्था विभागले ललितपुरको पाटन अस्पताल अगाडि रहेको एउटा औषधि पसल सिल गरेको छ। मंगलबार दिउँसो विभागबाट गएको अनुगमनको टोलीले श्रीराम औषधि पसलमा सिल गरेको हो। तस्बिर: नवीनबाबु गुरूङ/सेतोपाटी

रग्बी मैदान । सुर्खेतको वीरेन्द्रनगर–७ कालुञ्चौकमा ७२ लाख लागतमा निर्माण गरिएको रग्बी मैदान र आसपासको क्षेत्र। तस्बिर : सुरेश आचार्य/रासस

निर्माणाधीन देउडा पार्क र क्रिकेट मैदान । सुर्खेतको वीरेन्द्रनगरमा निर्माणाधीन देउडा पार्क र क्रिकेट रङ्गशाला । सात करोड ५९ लाख रुपैँया लागतमा निर्माण भइरहेकोमा हालसम्म करिब ९५ प्रतिशत काम सम्पन्न भएको छ। तस्बिर : सुरेश आचार्य/रासस