आजका तस्बिर- जेठ २४

अलपत्र पुल । अलपत्र अवस्थामा रहेको तनहुँको व्यास नगरपालिका–३ देउराली नगर र ऋषिङ गाउँपालिका–१ झापुटार जोड्ने सेतीनदी माथि निर्माणाधीन पुल। विसं २०८० जेठ ९ गतेसम्म सम्पन्न हुनुपर्ने उक्त पुलको काम हालसम्म २५ प्रतिशत मात्रै भएको छ। तस्बिरः कृष्ण न्यौपाने/रासस

दुली गाउँ । रूकुम पश्चिम बाँफीकोट गाउँपालिका-५ स्थित भिरालो डाँडामा रहेको सुन्दर दुली गाउँ। तस्बिर: कुलदीप न्यौपाने / रासस

दरबाङ–म्याग्दीखोला जलविद्युत् आयोजनाको सुरूङ । म्याग्दीको मालिका गाउँपालिकामा निर्माणधीन २५ मेगावाट क्षमताको दरबाङ–म्याग्दीखोला जलविद्युत् आयोजनाको मालिका ६ गोचाखोलामा निर्माणाधीन सुरूङ। धौलागिरि कालिका हाइड्रो लिमिटेडले गैरआवासीय नेपालीको लगानीमा निर्माण गर्न सुरू गरेको यो आयोजना सुस्त गतिमा छ। तस्बिर: ध्रुवसागर शर्मा/रासस

धानको बीउ छर्दै । सुनसरीको गढी गाउँपालिका-३ छिटाहामा बिहीबार धानको बीउ छर्दै किसान। यतिबेला किसानलाई धानको बीउ राख्न धमाधम छ। तस्बिरः नवीन गड्ताैला/रासस