आजका तस्बिर- वैशाख १४

प्राकृतिक मनोरम दृश्य । तनहुँको पर्यटकीय नगरी बन्दीपुर जाने बाटोको प्राकृतिक मनोरम दृश्य। पृथ्वी राजमार्गको पिप्लेदेखि सात किलोमिटर उकालो यात्रा गरेपछि बन्दीपुर पुगिन्छ। तस्बिरः कृष्ण न्यौपाने/रासस

बुलबुलेमा मोटरबोट । सुर्खेतको वीरेन्द्रनगरस्थित कर्णाली प्रदेशकै प्रमुख पर्यटकीयस्थल बुलबुले तालमा सञ्चालनमा ल्याइएको मोटरबोट। उक्त तालमा लामो समयदेखि फोहोर भएको र तालमा पानी नजमेकाले डुङ्गा सञ्चालनमा आउन सकेको थिएन। तस्बिरः सुरेश आचार्य/रासस

धरमपानी गाउँ । तनहुँको बन्दीपुर गाउँपालिका–६ स्थित धरमपानी गाउँ। स्थानीयको आयआर्जन बढाउन यहाँ घरबास सञ्चालन गरिएको छ। तस्बिर: कृष्ण न्यौपाने/रासस

मनाङको नार गाउँ । समुद्री सतहदेखि चार हजार २०० मिटर उचाइमा अवस्थित मनाङको नार्पाभूमि गाउँपालिकाको नारगाउँ। यहाँ गुरूङ र लामा जातिको बसोबास रहेको छ। उनीहरूको मुख्य पेसा खेतीपाती र पशुपालन हो। तस्बिरः नवीन लामिछाने/रासस