आजका तस्बिर- मंसिर १४

स्वचालित ग्रीन हाउस । दाङको घोराही उपमहानगरपालिका–१६ स्थित तेरौटेका स्थानीयले माटो बिना कोकोपिटमा हाइड्रोपोनिक्स विधिबाट खेती गर्न बनाइएको अत्याधुनिक स्वचालित ग्रीन हाउस। ग्रीन हाउसमा भेंडे खुर्सानी खेती गरिएको छ। तस्बिरः कुलदीप न्यौपाने/रासस

एड्स विरूद्धको दिवसको अवसरमा दीप प्रज्‍वलन । काठमाडौंमा एड्सविरूद्धको दिवसको पूर्वसन्ध्यामा दीप प्रज्वलन गरिएको छ। माइती नेपालको आयोजनामा बिहीबार अपराह्नमा गौशालामा दीप प्रज्वलन गरिएको हो। तस्बिर: नवीनबाबु गुरूङ

तालमाथि जमेको हिउँमा रमाउँदै पर्यटक । म्याग्दीको अन्नपूूर्ण गाउँपालिका–४ मा रहेको नारच्याङ पञ्चकुुण्ड तालमा चिसोले हिउँ जमेपछि त्यसमाथि रमाउँदै पर्यटक। अन्नपूूर्ण हिमालको फेदीमा रहेको पञ्चकुुण्ड ताल चिसोका कारण पानी जमेको छ। तस्बिर:सन्तोष गौतम/रासस

बराह पोखरी । खोटाङको बराह पोखरी गाउँपालिका वडा नं १ मा अवस्थित धार्मिकस्थल बराह पोखरी। यो पोखरीमा स्नान गरे मनोकाङ्क्षा पूरा हुने, घाउ खटिरा निको हुने जनविश्वास रहेको छ । उक्त पोखरीको प्रचारप्रसार गर्न गरे पर्यटकको सख्या वृद्धि हुने स्थानीयको भनाइ छ। तस्बिरः हरिराम भेटुवाल/रासस