आजका तस्बिर- कात्तिक २७

सडकमा फालिएका फूल । बजार नपाएपछि सडकमा फालिएका फूल। काठमाडौं महानगरले फूल बिक्रीका लागि निश्चित ठाउँ तोकेपछि आफूहरूले घाटा व्यहोर्नु परेको किसान बताउँछन्। तस्बिर: नवीनबाबु गुरूङ/सेतोपाटी

पशुपतिमा यसरी गरियो गाईपूजा । काठमाडौंको पशुपतिनाथमा गाईपूजा गरिएको छ। गाईतिहारको अवसरमा पशुपतिका बटुकहरूले गाईपूजा गरेका हुन्। तस्बिर: निशा भण्डारी/सेतोपाटी

बत्तीको झिलिमिलीको दृश्य । तिहारको तेस्रो दिन सोमबार काठमाडौँँको हलचोकबाट देखिएको स्वयम्भूनाथ लगायत बत्तीको झिलिमिलीको दृश्य। तस्बिर: हरिराम भेटुवाल/रासस

जितपुर गाउँमा फुलेको तोरी । तोरी फुलेर पहेंलै देखिएको घोराही उपमहानगरपालिका– ११स्थित जीतपुर गाउँ। तस्बिरः कुलदीप न्यौपाने/रासस

देउसीभैलीमा नृत्य गर्दै । यमपञ्चक एवम् तिहारको तेस्रो दिन गोवर्द्धन पूजाका दिन गुरूङ पोशाकमा सजिएर सोमबार पोखरा–८ सिमलचौरमा देउसीभैली खेल्दै। तस्बिर: ऋषिराम बराल/रासस

प्रतिक्रिया दिनुहोस्

थप

फोटो ग्यालरी