समाजवादी मोर्चा घोषणा । समाजवादी मोर्चाको सहमतिपत्रमा चार नेताले हस्ताक्षर गरेका छन्। सोमबार राष्ट्रिय सभागृहमा सुरू भएको समाजवादी मोर्चा घोषणा कार्यक्रममा प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादी पार्टीका अध्यक्ष उपेन्द्र यादव, एकीकृत समाजवादी पार्टीका अध्यक्ष माधवकुमार नेपाल र नेकपाका महासचिव नेत्रविक्रम चन्दले सहमतिपत्रमा हस्ताक्षर गरेका हुन्। तस्बिर: नवीनबाबु गुरूङ/सेतोपाटी
प्रेम चलाउने प्रहरीको नियन्त्रणमा । उपप्राध्यापक प्रेम चलाउनेसहित केही व्यक्तिहरूलाई काठमाडौं जिल्ला अदालतबाट प्रहरीले नियन्त्रणमा लिएको छ। आफूमाथि कुटपिट गरेको घटना सरकारले फिर्ता गर्ने निर्णय गरेपछि त्यसको विरोधस्वरूप उनी सोमबार अदालतमा पुगेका थिए। तस्बिर: निशा भण्डारी/सेतोपाटी
झोलुंगे पुल । बागलुङ बजार र तित्याङ गाउँ जोड्ने झोलुङ्गे पुल । यो पुल निर्माण भएपछि स्थानीयलाई आवतजावतमा सहज भएको छ। तस्बिर: डम्मर बुढामगर/रासस
गौरुङथोक गाउँ । सिन्धुपाल्चोकको मेलम्ची नगरपालिका वडा नं ३ मा अवस्थित गौरुङथोक गाउँ। तस्बिर: देवराज सुवेदी/रासस
अल्लोको धागोबाट निर्मित सामान । दाङको घोराही –१४ मा रहेको चिनारी अल्लो धागो उद्योगमा निर्माण गरिएका अल्लोका सामग्री। यहाँ उत्पादित विभिन्न सामग्री काठमाडौंलगायत सहरहरूमा बिक्री गरिन्छ। तस्बिर: रञ्जिता अधिकारी/रासस
-copy-1732085934.jpg )
