आजका तस्बिर: असार २

अवलोकन । सिन्धुपाल्चोकको हेलम्बु गाउँपालिका–१, अम्बाथानस्थित मेलम्ची खानेपानी आयोजनाको शनिबार अवलोकन गर्नुहुँदै प्रधानमन्त्री पुष्पकमल दाहाल ‘प्रचण्ड’, खानेपानी मन्त्री महिन्द्र राय यादव, स्वास्थ्य तथा जनसङ्ख्या मन्त्री मोहनबहादुर बस्नेतलगायत। तस्बिरः प्रदीपराज वन्त/रासस

जोखिमपूर्ण यात्रा बाध्यता । सङ्खुवासभाको खाँदबारीदेखि सिलिचोङ गाउँपालिका जोड्ने अरूण नदीमा रहेको जीर्ण अवस्थाको छब्बिसे झोलुङ्गे पुलमा मोटरसाइकल कुदाउँदै स्थानीय। मोटरेवलपुल निर्माण गर्न तीन वर्ष अघि नै ठेक्का सम्झौता गरेको ठेकेदार कम्पनीले पुल निर्माण नगर्दा स्थानीयले जोखिमपूर्ण यात्रा गर्नुपर्ने बाध्यता रहेको छ। तस्बिर :सुजन बज्राचार्य/रासस

हेलिकप्टरमा प्रचण्ड । सिन्धुपाल्चोकस्थित मेलम्ची खानेपानी आयोजनाको अवलोकन गर्न पुगेका प्रधानमन्त्री पुष्पकमल दाहाल प्रचण्ड काठमाडौं फर्किनेबेला हेलिकप्टरमा फर्किएका थिए। तस्बिर: अक्षर काका/सेतोपाटी